XX. mendeko Euskararen Corpus estatistikoa

Testuingurua

Kirol-gaitasunak Kirol bakoitzaren ikaskuntz maila markatzen dute.

Oraingoz bakarra dugu, saskibaloiari dagokiona, baina gure nahia, kirol bakoitzari dagokiona edukitzea da, eta beste bat oinarrizko gaitasun motrizei doakiena, hain zuzen.

Jarraipen hau, ikastaroaren hiru garaitan (haseran, erdialdean, amaieran) fitxa indibidual batetara transkribatzen da.

Hona isladatu beharreko aspektuak: * Ohiturak: asistentzia, puntualtasuna, jazkera eta higiene pertsonala.

* Gaitasun fisikoa.

* Ikaskuntz prozesua: motibazioa, asimilakuntz maila.

* Ikaskideekin, irakasleekin eta eraikuntzekin dituen harremanak.

5. Gogoetak esperientziatik Gazte-moeta honekin egiten den lanaren balioztaketa orokorra zeharo positiboa dela esan dezakegu, Heziketa Fisikoaren alorretik: Oso iharduera motibatzailea da, norberaren gaitasunen araberaz, denen integrazioa bideratzen bait du.

Sakonean, denek daramate, piskanaka idorotzen ari diren izpiritu kirolzalea.

Beren gorputzaren zaintzan hobekuntzak lortzen dituzte.

Higiene eta osasunez zituzten ohiturak aldatuz doaz, nahiz eta oso erritmu desberdinez, bakoitzak bilakaera diferentedun bidea aurkezten duelako.

Futboltxoa zegokion tokia betetzera iragan da, hots, beste kirol bati ere dagokiona.

Honek, beste gazte askok dituzten gaitasunak beste kiroletan ikas, praktika eta gara ditzaten ekarri du.

Beste zenbait gaztek, pentsatzen zuten bezain trakets ez direla ikusi dute.

Gazteak Ikastetxe osorako kirol-ihardueretan, bere burua inplikatu egiten dute: * Talde aholkari teknikoa. Kinielen eskrutinioa landu eta egiten du.

Kirol-informazioa iragarki-panelean kokatzen du.

* Zerbitzu teknikoa. Azkeneko hiruhilekoan erabili beharreko txirringak konpondu eta azkeneko errepasoak ematen dizkiete.

* Aukerazkoak. Laguntzaile bezala, beraiek ere menderatzen duten aukerazko bat (saskibaloia, futboltxoa, xakea...) aurrera eramaten laguntzen dute.

Hasera batez eraikuntza berezirik ez izateak suposatzen zuen handikap hura abantaila bilakatu da: utzi egiten zaizkigun eraikuntzen erabilera zehatzaren garrantziaz kontziente eta errespontsable bihurtzea bideratu du eta.

Honek ez du esan nahi halako uneren batetan izualdirik jasan ez dugunik.

Mendizorrozako Zuzendaritza Teknikoarekin eta bertan lanean diharduten pertsonekin dagoen tratua, zabala izan da eta elkarrizketa irekikoa, askotan beraiek gure gazteenganako interesa agertu digutelarik.